Gipuzkoako San Juan de Dios Ospitaleak osasun mentalean espezializatutako konfesionaltasun katolikoko osasun zentroak dira, irabazi-asmorik gabeko zerbitzu publiko bat betetzeko helburua dutenak, San Juan de Dios Ospitale Ordenaren kontura kudeatuta.
Gu geu
Fundatzailea
Juan de Dios aitzindaria izan zen asistentzia jardueran, huraxe izan baitzen lehena pazienteak pairatzen zuten gaixotasun motaren arabera bereizten, eta gaixo bakoitzarentzat ohe bat jarri zuen. 1538-1539 bitartean sortu zuen Juan de Diosek Granadan bere lehen ospitalea. Garai hartarako iraultzailea izan zen, Juanek berak zein haren lankideek gaixoei ematen zieten tratuagatik eta berotasunagatik.
1550eko martxoaren 8an hil zen, eta haren ehorzketan izugarrizko dolu eta suhartasun adierazpena egin zuten garai hartako herri, noblezia eta agintariek. 1886an, Ospitaleen eta Gaixoen Zaindari izendatu zuten; eta 1930ean, berriz, Erizainen eta haien Elkarteen Patroi.
Ospitale Ordena
Ordena 52 herrialdetan dago: 300 zentro baino gehiago, 1.250 anai, 40.000 langile baino gehiago, 33.000 osasun eta gizarte plaza eta 20 milioi onuradun baino gehiago. Irabazi-asmorik gabeko nazioarteko lankidetza erakunderik handienetako bat da munduan. Eliza Katolikoaren parte da, eta, beraz, Gobernuz Kanpoko Erakundeak ez bezalako erakundea da.
Historia
Misioa
Gure egitekoa gaixotasun mentala duen pertsonari arreta ematea da, haren ongizatea eta familiarena San Juan de Diosen laguntza ereduaren arabera lortzen saiatuz, eta, betiere, zainketen jarraitutasuna eta autonomia maila gorena sustatuz.
Bisioa
Gure arreta psikiatrikoko ereduagatik eta gizarteari egiten diogun ekarpenagatik erreferenteak izatea, eta, hala, osasun mentaleko eta errehabilitazio psikosozialeko zerbitzuetan administrazio publikoaren lehentasunezko erakunde gisa finkatzea, pazienteen, haien senideen eta lankidetzan ari garen erakunde guztion gogobetetzerik handienarekin.
Balioak
Abegi ona
Arlo sozial eta sanitarioan gaixoei eta premia dutenei ematen diegun laguntzaren balio nagusia ABEGI ONA da.
Kalitatea
Kalitatea da pazientearen arreta integralean eskaintzen dugun bikaintasun profesionala.
Errespetua
Gure zentroetako erabiltzailea bere giza dimentsioan gure arretaren erdigunetzat hartzen dugu.
Erantzukizuna
Erabiltzaileekiko, ingurumenarekiko eta San Joan Jainkoarenaren ereduekiko.
Espiritualtasuna
Erabiltzaile, paziente, senide eta profesional guztien behar espiritualak eta erlijiosoak artatzen ditugu, izan fededun zein ez.
Kode etikoa
Gure ospitaleak, Probintziako gainerako zentroek bezala, Kode Etiko bati jarraitzen dio, non honako hauek lehenesten diren: pertsonekiko errespetua, kalitate integraleko arreta, profesional gisa konpromisoa eta erakunde zein gizartearekiko errespetua.
© 2023 Eskubide guztiak erreserbatuta.